Mga Gawain ng MSCCA ngayong Buwan ng mga Sining

Ngayong Pebrero, nagbukas ang ikalawang semestre at nagsisimula na muli sa mga gawaing pangkalinangan at mga sining. Ang kasalukuyang gayak at bihis ng MSC Culture and the Arts (MSCCA) ay halaw sa danas at kaalaman ng mga bumubuong indibidwal, pangkat at institusyon. 

Ang MSCCA ay binubuo ng mga sumusunod na mga sangay, para sa Dulaan ay ang MSC Theater Guild sa pamumuno ni Sir Carl Lagar at katuwang si Mam Rizalyn Magno. Para naman sa Sayaw, magkasama ang MSC Putong Group at Dance Troupe sa pangunguna nina Mam Ruby Ann Lantita at ni Mam Sharmaine Balut. Sa bahagi naman ng Musika ay binubuo na ang MSC Brass Band at Choir sa pangangalaga ni Sir Chito Mandia at Sir Joseph Silangil. Ang dagdag pa sa balangkas ng MSCCA ay ang pelikula sa inisyatiba ni Bb. Raiza Masculino, panitikan ang MSC Litera Club at sining biswal sa patnubay ni Sir Cassius Nitoral. 

Magkakaroon ang MSCCA ng serye ng palabas, tampok ang mga pelikula at dula gawa ng mga mag-aaral ng School of Arts and Sciences. Magkakaroon din ng muling paglulunsad ng nailimbag ng MSC Litera Club na literary folio, Balangaw at Malikhain. Gayundin, ipapalabas muli ang pagtatanghal ng MSC Siklab Society at iba pang surpresang bilang. 

Kasama rin sa mga prioridad ng MSCCA ang mga pananaliksik tungkol sa mga natatanging pamana ng Marinduke. Mula sa mga sinagawang kultural na pagmamapa sa mga bayan ng Mogpog, Buenavista, Santa Cruz at isasagawa sa Gasan at Torrijos ay magiging bahagi ng sinupan at koleksiyon ng binubuong Museo ng mga Buhay na Pamana. Nasimulan na ito sa mga isinagawa noong Sentenaryo sa sining biswal, panitikan, pagtatanghal at pelikula sa pakikipagtulungan ng Hearts Council, Sentro ng Wika at Kultura kasama ang mga lokal na pamahalaan ng lalawigan.